Hörmətli cənab Prezident! 

Minlərlə məcburi köçkün kimi mən də Müşviqabad qəsəbəsində salınmış yeni yaşayış massivində 1 otaqlı mənzillə təmin olunmuşam. Məcburi köçkünlərə yaradılan gözəl şəraitə görə Sizə və bu işdə əməyi keçən hər kəsə dərin təşəkkürümü bildirirəm. Sizin xalqımıza, millətimizə göstərdiyiniz qayğı, diqqət və humanistliyiniz qarşısında bütün sözlər acizdir. Sadə vətəndaşlar, ziyalılar, doğma Azərbaycanımızı sevən hər bir şəxs Sizin siyasətinizi dəstəkləyir, respublikamızın inkişafı üçün gördüyünüz bütün işləri yüksək qiymətləndirirlər.

Möhtərəm Prezident, milyonlarla vətənpərvər azərbaycanlı kimi mən də əminəm qarşıdan gələn Prezident seçkilərdə Siz yenidən ölkə başçısı seçiləcəksiniz. Məhz Sizin Prezidentliyiniz və Baş komandanlığınız altında doğma Qarabağımızın, işğal olunmuş torpaqlarımızın düşməndən azad ediləcəyinə və orada tikiləcək gözəl mənzillərdən birini də mənə qismət olacağına əminəm. Sizə Allahdan uzun ömür, cansağlığı diləyirəm.

Hörmətlə,

Aslanova İlhamə İbiş qızı,
Laçın rayonundan məcburi köçkün.


Azərbaycan Respublikası, Bakı şəhəri.