Hörmətli cənab Prezident!

Nabrandakı istirahət mərkəzlərinin birində baş vermiş bədbəxt hadisə nəticəsində ağır bədən xəsarətləri almış azyaşlı İmran Cəfərzadəyə Sizin və Heydər Əliyev Fondunun prezidenti, Azərbaycanın birinci xanımı Mehriban Əliyevanın göstərdiyi diqqət və qayğı bütün Azərbaycan xalqı kimi biz tələbələrin də ürəyindən oldu. Bu nəcib və xeyirxah əməlinizə görə Sizə və Mehriban xanıma səmimi təşəkkürümüzü bildiririk.

Hörmətli cənab Prezident, Siz bir daha sübut etdiyiniz kimi hər bir azərbaycanlının Prezidentisiniz və çətin anlarında onların yanındasınız. Mən və mənimlə həmfikir olan gənclər Sizin daxili və xarici siyasətinizi bəyənir və Azərbaycanı dünyanın inkişaf etmiş ölkələri sırasına çıxardığınıza görə Sizə dərin minnətdarlığımızı bildiririk. Fəxr edirik ki, dövlətimizin başında Sizin kimi müdrik siyasi xadim dayanır.

Hörmətlə,

İbrahimova Nərmin Məhəmməd qızı.

Azərbaycan Respublikası, Naxçıvan MR, Şərur rayonu, Daşarx kəndi.