Hörmətli cənab Prezident!

Sizin rəhbərliyiniz altında son illər respublikamız çox sürətli inkişaf yoluna qədəm qoymuşdur. Bu inkişaf respublikamızın bütün rayonlarında və ölkə həyatının bütün sahələrində müşahidə edilməkdədir. Bütün bunlar Sizin apardığınız uğurlu siyasət nəticəsində mümkün olmuşdur. Ölkəmizin vətəndaşlarına göstərdiyiniz böyük qayğıya, onların problemləri ilə yaxından maraqlandığınıza görə Sizə minnətdarlığımı bildirirəm. Sizə uzun ömür və cansağlığı arzulayıram.

Möhtərəm Prezident, kəndimizdə baş vermiş torpaq sürüşməsi nəticəsində evimiz yararsız hala düşmüş, evsiz-eşiksiz qalmışdıq. Amma bu gün sevincimizin həddi-hüdudu yoxdur. Çünki Sizin göstərişinizlə hal-hazırda bizim üçün yeni ev tikilir.

Buna görə də ürək sözlərimi qısaca da olsa yazıb Sizə göndərməyi özümə borc bildim.

Çox hörmətli Prezident, biz həmişə Sizinləyik, Sizinlə fəxr edirik. Yaşasın Azərbaycan xalqı! Yaşasın xalqın mərd oğlu cənab İlham Əliyev!

Hörmətlə,

Məmmədov Elşən.
Azərbaycan Respublikası, Lerik rayonu, Hamarmeşə kəndi.