Möhtərəm cənab Prezident!

Bu gün Sizin sayənizdə Azərbaycanda təhsilə ən yüksək səviyyədə qayğı göstərilir. Bu sahədə həyata keçirilən hər islahat, baş verən hər yenilik ilk növbədə Azərbaycanın xoşbəxt gələcəyinə hesablanmışdır. Sizin sözlərinizlə qeyd etmək istərdim: “İnsanlarımız, gənclərimiz elə bilik almalıdırlar ki, ən yüksək vəzifələrdə çalışa bilsinlər, biz Azərbaycanı irəliyə aparaq”.

Azərbaycanımızın irəli aparılmasında müəllimlərin rolu danılmazdır. Müəllimlərin əməyinin qiymətləndirilməsi də vacib məsələlərdən biridir və bu məsələ ilə bağlı çoxlu tədbirlər görülür. Ən mühüm tədbirlərdən biri də “Ən yaxşı müəllim” müsabiqəsinin keçirilməsidir. 2012-2013-cü tədris ilində keçirilmiş “Ən yaxşı müəllim” müsabiqəsinin qaliblərinin mükafatlandırılması haqqında verdiyiniz Sərəncam məni, ailəmi və yaxınlarımı sevindirdi. Sizin müəllim əməyinə verdiyiniz yüksək qiyməti alqışlayır və Sizə dərin təşəkkürümü bildirirəm. Bildirmək istəyirəm ki, Sizin Azərbaycanımız üçün gördüyünüz işlərinizi yüksək qiymətləndirərək, ailəm, yaxınlarım və müəllim yoldaşlarımla birlikdə qarşıdan gələn prezident seçkilərində Sizi dəstəkləyəcəyik. Sizin Prezident seçkilərində qazanacağınız qələbə bizim də qələbəmiz olacaqdır.

Hörmətlə,

Həsrətov Alqış Kamal oğlu.

Azərbaycan Respublikası, Qax rayonu, Qorağan kəndi.