10 avqust 2013, 12:35

Mübariz İbrahimovdan, Ağdaş, Azərbaycan

Hörmətli cənab Prezident!

Azərbaycan ərazisinə və əhalisinin sayına görə böyük olmasa da, son illərdə sürətli inkişafı ilə dünyanın ən qabaqcıl ölkələrindən birinə çevrilmişdir. İndi ölkəmiz hərbi qüdrəti, yeni binaları, müasir məktəbləri, xəstəxanaları, gözəl istirahət mərkəzləri, rahat yolları ilə hamını heyran qoyur. Firavan həyat adamlarda xoş əhval-ruhiyyə yaradır.

Mən taksi sürücüsü işlədiyimə görə müxtəlif insanlarla ünsiyyətdə oluram. Dediklərimin hamısını onların dilindən eşitmişəm. Onların hər biri Sizin gördüyünüz işlərdən böyük minnətdarlıq hissi ilə danışır.

Hörmətli cənab Prezident, mən də şəxsən öz adımdan və ailəm adından ölkəmiz və xalqımız üçün gördüyünüz misilsiz işlərinizə görə Sizə ürəkdən təşəkkür edirəm.

Hörmətlə,

İbrahimov Mübariz.
Azərbaycan Respublikası, Ağdaş rayonu, Yusif Nəbiyev küçəsi, 28.