Gerb

10 avqust 2013, 13:00

Hörmətli cənab Prezident!

Sizin rəhbərliyiniz altında ölkəmizdə güclü sosial-iqtisadi siyasət həyata keçirilir. Yeni xəstəxanalar, məktəblər və digər sosial obyektlər tikilməklə yanaşı, bu müəssisələrin fəaliyyəti müasir tələblər səviyyəsinə qaldırılır, vətəndaşlara göstərilən qayğı daha da artırılır. Belə mühüm sahələrdən biri də körpələr evləri və uşaq bağçalarıdır.

Hörmətli cənab Prezident, biz Sizin müxtəlif görüşlərdə, tədbirlərdə çıxışlarınızdan, imzaladığınız sərəncamlarınızdan uşaqlara necə böyük rəğbət bəslədiyinizi bilirik. Bu qayğının nəticəsidir ki, indi körpələr evləri və uşaq bağçalarının maddi bazası gücləndirilir, onların fəaliyyəti daha da yaxşılaşdırılır. Bu sözləri uşaqlarımızın tərbiyə aldığı Nərimanov rayonundakı 305 saylı körpələr evi-uşaq bağçası haqqında da demək olar. Biz valideynlər orada yaradılan şəraitdən, göstərilən xidmətdən, təlim-tərbiyə işindən çox razıyıq.

Hörmətli cənab Prezident, həyata keçirdiyiniz sosial siyasətinizə, o cümlədən uşaqlara olan böyük qayğınıza görə Sizə minnətdarlığımızı bildiririk.

Valideynlər adından dərin hörmətlə,
Həsənova Arzu.

Azərbaycan Respublikası, Bakı şəhəri, Nərimanov rayonu.