Hörmətli cənab Prezident!

Böyük fərəh və iftixar hissi ilə Sizə müraciət edərək səmimi minnətdarlığımı qəbul etməyinizi xahiş edirəm.

Hörmətli cənab Prezident, Şirvan şəhərinin yaradılmasının 50 illiyi münasibətilə mənim kiçik xidmətlərimi yüksək qiymətləndirərək, mənə “Əməkdar müəllim” fəxri adı verməyiniz məni hədsiz dərəcədə sevindirdi. Bu fəxri ada müqəddəs Ramazan bayramı ərəfəsində layiq görülməyim isə sevincimi daha da artırdı.

Bu, Sizin həssas qəlbli və sonsuz diqqət sahibi olduğunuzdan xəbər verir. Sizə və bütün ailə üzvlərinizə uzun ömür, cansağlığı arzu edirəm.

Ulu Tanrı Sizi qorusun!

Dərin hörmətlə,

Vəliyeva Xumar Sərdar qızı.

Azərbaycan Respublikası, Şirvan şəhəri.