15 avqust 2013, 18:00

Gülnaz Babayeva və başqalarından, Bakı, Azərbaycan

Möhtərəm Prezident! 

Apardığınız uğurlu daxili və xarici siyasət nəticəsində ölkəmiz regionun aparıcı dövlətinə çevrilmişdir. Artıq respublikamızda yerli və qlobal layihələrin mütəmadi icrası öz nəticələrini verməkdədir. Bizim yaşadığımız Sulutəpə qəsəbəsi də ölkəmizdə həyata keçirilən iqtisadi və sosial layihələrdən kənarda qalmamışdır. Qəsəbəmizdə qısa müddətdə yeni uşaq bağçası, məktəb, idman kompleksi tikilib istifadəyə verilmişdir. Qaz, elektrik, su təminatı yüksək səviyyədə təşkil edilmişdir. Təmizlik və abadlıq işləri geniş vüsət almışdır. Son günlərdə məhəllədaxili yolların əsaslı təmiri bizi daha da sevindirmişdir. Sizin diqqət və qayğınız sayəsində qəsəbəmiz siması inanılmaz şəkildə dəyişmişdir. Qəsəbənin ağsaqqalları, ziyalıları və gəncləri adından Sizə dərin təşəkkürümüzü bildiririk.

Hörmətli cənab Prezident, dövlətimizin daha da çiçəklənməsi və qüdrətlənməsi naminə fəaliyyətinizdə Sizə uğurlar arzulayırıq.

Hörmətlə,

Babayeva Gülnaz Əsgər qızı
Orucov Nuşirəvan Orucəli oğlu
Əsədullayev Əlibaba İbad oğlu
Məmmədov Kazım Eldar oğlu
Hacıağayev Əlibala İbad oğlu və başqaları.

Azərbaycan Respublikası, Bakı şəhəri, Sulutəpə qəsəbəsi.