Vüqar Namazovdan, Bakı, Azərbaycan

Hörmətli cənab Prezident!

Sizin rəhbərliyiniz altında ölkəmizin qazandığı böyük nailiyyətlər təsdiq edir ki, Siz Azərbaycan xalqının əvəzsiz liderisiniz.

Bütün xalqımız Sizin siyasətinizi yekdilliklə dəstəkləyir. Çünki məhz Sizin şəxsinizdə xalqımız Azərbaycanın müasir gücünün ifadəsini görməkdədir.

Hörmətli cənab Prezident, bütün vətəndaşlarımız kimi ölkəmizin idman ictimaiyyəti də hər zaman Sizin yanınızdadır. Sizin diqqətiniz sayəsində ölkəmizdə idman sürətlə inkişaf etmiş, idmanın güclü maddi-texniki bazası yaradılmış, idmançılarımız dünya və Avropa miqyaslı yarışlarda parlaq qələbələr qazanmışlar. Mən ağırlıqqaldırma növü ilə məşğul olan bir idmançı kimi iştirak etdiyim əksər yarışlarda doğma Azərbaycanımızın adını ucaltdığım, bayrağımızı zirvələrə qaldırdığım üçün hər zaman böyük qürur hissi keçirirəm. Bizim bu qələbələri qazanmağımıza yaratdığınız şəraitə, idmana göstərdiyiniz böyük qayğıya görə Sizə minnətdarlığımı bildirirəm.

Hörmətlə,

Namazov Vüqar.
Poverliftinq üzrə dünya çempionu.

Azərbaycan Respublikası, Bakı şəhəri.