Abidin Əliyev və başqalarından, Lerik, Azərbaycan

Möhtərəm Prezident!

Ümummilli liderimiz Heydər Əliyev Azərbaycan mədəniyyətinin və incəsənətinin inkişafına həmişə xüsusi diqqət və qayğı göstərmişdir. Artıq 10 ildir ki, ulu öndərimizin bu siyasi kursunu Siz inamla davam etdirərək qədim və ulu mədəniyyətimizin çiçəklənməsi və tərəqqisi yolunda uğurlu addımlar atırsınız.

Bu günlərdə mədəniyyət müəssisələrində çalışan işçilərin aylıq vəzifə maaşlarının artırılması və fəxri adlara layiq görülmüş şəxslərin sosial müdafiəsinin gücləndirilməsi barədə imzaladığınız sərəncamlar ölkəmizin hər yerində olduğu kimi, ucqar Lerik rayonunda da böyük fərəh və minnətdarlıq hissi ilə qarşılanmışdır.

Hörmətli cənab Prezident, Lerikin çoxsaylı mədəniyyət işçiləri qarşıdan gələn prezident seçkilərində Sizə alternativ namizəd görmür və yenidən Sizi dəstəkləyir, Sizə güvənirlər. Bizim seçimimiz müstəqil Azərbaycanın tərəqqisinə xidmət edən seçimdir.

Rayonumuzun bütün mədəniyyət işçiləri adından Sizə minnətdarlığımızı bildirir və doğma Vətənimizin inkişafı naminə fəaliyyətinizdə yeni-yeni uğurlar arzulayırıq.

Dərin hörmət və minnətdarlıq hissi ilə,

Abidin Əliyev
Dilarə Fətullayeva
Sevil Ağayeva
Hüsaməddin Abbasov
Əliabbas Məlikov və başqaları.

Azərbaycan Respublikası, Lerik rayonu.