Hörmətli cənab Prezident! 

Bu məktubu yazmaqla bu vaxta qədər Azərbaycan Respublikası üçün gördüyünüz işlərə görə Sizə təşəkkürümü bildirirəm.

Bütün dünyada Azərbaycanın müsbət imicini yaratmaq və onu möhkəmləndirmək üçün gördüyünüz işlər göz qabağındadır.

Bu işlərdə Sizə dəstək olan Azərbaycanın birinci xanımı Mehriban Əliyevaya da dərin minnətdarlığımı bildirmək istəyirəm. Siz Azərbaycanın ideal cütlüyüsünüz, Allah ömrünüzü övlad və gül nəvələrinizlə birgə uzun etsin. Allah necə ki, dünyanın 12 iqlim qurşağından 9-nu yalnız Azərbaycana bəxş edib, Sizi və xalqımızın ümummilli lideri Heydər Əlirza oğlu Əliyevi də yalnız bizlərə bəxş edib. Siz də onun davamçılarısınız. Cənnət Azərbaycandadır!

Hörmətli cənab Prezident, qarşıdan prezident seçkiləri gəlir. Bu seçkilərdə Sizə uğurlar diləyirəm və Sizi dəstəkləyirəm!

Növbəti beş ildə Sizin Azərbaycan üçün nə edəcəyinizi təsəvvür edirəm. Belə beşilliklərin davamlı olmasını istəyirəm.

Fürsətdən istifadə edib gündən-günə gözəlləşən, doğulub və boya-başa çatdığım Sumqayıtımıza göstərdiyiniz diqqətə görə də təşəkkürümü bildirirəm. Övladlarımı hər gün gözəl və təmiz parklarda gəzdirmək, əllərindən tutub təmiz və təmirli uşaq bağçasına aparmaq bir ana kimi necə də xoşdur, axı onlar bizim Azərbaycanımızın gələcəyidirlər. Siz də Azərbaycanımızın gələcəyi üçün çalışırsınız.

Hörmətlə,

Güliyeva Sevil Valeh qızı.

Azərbaycan Respublikası, Sumqayıt şəhəri.