Xanlar Quliyev və başqalarından, Gəncə, Azərbaycan

Möhtərəm Prezident! 

Ulu öndər Heydər Əliyevin siyasi xəttinin layiqli davamçısı kimi Sizin Azərbaycanın tərəqqisi naminə gördüyünüz titanik işlərə görə bütün xalqımız kimi, Gəncə şəhərinin sakinləri də böyük sevinc və qürur hissi keçirirlər. Gəncədə yaşayan Qarabağ müharibəsi əlilləri və veteranları, şəhid ailələri Sizin onlara göstərdiyiniz qayğını daim görür və hiss edirlər. Bu qayğı sayəsində bütün sosial və məişət problemləri həll edilməklə yanaşı, onlara həm də mənəvi dəstək göstərilir.

Möhtərəm Prezident, Gəncədə yaşayan Qarabağ müharibəsi əlillərinə və veteranlarına, şəhid ailələrinə göstərdiyiniz diqqət və qayğıya görə Sizə minnətdarlığımızı bildiririk. Biz Sizin Ali Baş Komandan kimi verdiyiniz hər bir əmrə müntəzir olaraq, hər an torpaqlarımız uğrunda döyüşə getməyə hazırıq!

Dərin hörmətlə,

Quliyev Xanlar
Qarayev Zakir
Əliyev Eldəniz
Əliyev Hafiz
Cabbarov Arif və başqaları (cəmi: 45 nəfər).

Azərbaycan Respublikası, Gəncə şəhəri.