Emin Səmədzadədən, Ukrayna, Kiyev

Hörmətli cənab Prezident! 

Bu məktubu yazmaqla, Sizin Azərbaycan Respublikasının Prezidenti kimi fəaliyyətinizə valeh və heyran olduğumu bildirmək istəyirəm.

Mən Kiyev şəhərindəki A.A.Boqomolets adına Milli Tibb Universitetinin altıncı kurs tələbəsiyəm. “Ukraynada istedadlar var” adlı teleşouda vokal ifaçısı kimi çıxış edərək teleşounun yarımfinalçısı olmuşam.

Bundan əlavə, mən “Ukraynada Azərbaycan Gəncləri İttifaqı” təşkilatının fəal üzvüyəm. Bu təşkilat Azərbaycan hökumətinin dəstəyi sayəsində Azərbaycan və Ukrayna gəncləri arasında dostluq münasibətləri yaratmaq məqsədilə uğurlu addımlar atır. Biz, Ukraynada təhsil alan azərbaycanlı tələbələr, Azərbaycan vətəndaşları kimi Sizin rəhbərliyiniz altında ölkəmizdə baş verən irəliləyişləri daim diqqətlə izləyirik və Sizi tam dəstəkləyirik. Ukraynada yaşayan bütün gənclər adından Sizə və ailənizə cansağlığı və firavanlıq diləyirik.

Hörmətlə,

Səmədzadə Emin İzzət oğlu.
Ukrayna Respublikası, Kiyev şəhəri.