Cibuti Respublikasının Prezidenti İsmail Ömər Qellehdən

16 may 2018, 17:40

Azərbaycan Respublikasının Prezidenti Zati-aliləri cənab İlham Əliyevə

Zati-aliləri cənab Prezident.

Yenidən Azərbaycan Respublikasının Prezidenti seçilməyiniz münasibətilə Sizə səmimi təbriklərimi çatdırmaqdan böyük şərəf və məmnunluq hissi duyuram.

Böyük səs çoxluğu ilə yenidən Prezident seçilməyiniz həmvətənlərinizin mütləq əksəriyyətinin bir daha Sizin rəhbərliyinizlə uzunmüddətli inkişaf arzusunda olmasının bariz sübutudur.

Şübhəsiz ki, Azərbaycan Respublikası Sizin başçılığınızla seçdiyi dayanıqlı inkişaf yolunda böyük irəliləyişə nail olub.

Mən səmimiyyətlə inanıram ki, prezidentliyinizin yeni dönəmində də Azərbaycanın dinamik inkişafı davam edəcəkdir.

Cənab Prezident, bu xoş fürsətdən istifadə edərək, ölkənizin milli bayramı – Respublika Günü münasibətilə, Sizə və bütün Azərbaycan xalqına müvəffəqiyyətlər, xoşbəxtlik və uğurlar diləyirəm.

Zati-aliləri, Sizə bir daha səmimi təbriklərimi çatdırır və qardaşlıq salamımı qəbul etməyinizi xahiş edirəm.

Hörmətlə,

İsmail Ömər Qelleh

Cibuti Respublikasının Prezidenti

SƏNƏDLƏRSərəncamlar18 may 2018
18:35
Muzey işi sahəsində çalışan bir qrup şəxsə Azərbaycan Respublikasının “Əməkdar mədəniyyət işçisi” fəxri adının verilməsi haqqında Azərbaycan Respublikası Prezidentinin Sərəncamı

Azərbaycan Respublikası Konstitusiyasının 109-cu maddəsinin 32-ci bəndini rəhbər tutaraq qərara alıram:

Azərbaycan Respublikasında muzey işi sahəsində uzunmüddətli səmərəli fəaliyyətlərinə görə aşağıdakı şəxslərə Azə...

18 may 2018, 18:35
XƏBƏRLƏRMətbuat xidmətinin məlumatı18 may 2018
16:30
Qırğız Respublikasının Prezidenti Sooronbay Jeenbekov Azərbaycan Respublikasının Prezidenti İlham Əliyevə telefonla zəng edib

Mayın 18-də Qırğız Respublikasının Prezidenti Sooronbay Jeenbekov Azərbaycan Respublikasının Prezidenti İlham Əliyevə telefonla zəng edib.

Söhbət zamanı dövlət başçıları Azərbaycan Respublikası ilə Qırğız Respublikası arasında əməkdaşlığa dair aktual məsələləri müzaki...

18 may 2018, 16:30